Үс ыстыык үөһүгэр. Эллэй

Саха омук олоҕун историятыгар гражданскай сэрии ыар тыына эмиэ охсуллан ааспыта. Ол кэм биир ыарахан түгэнин, саха народнай поэта Эллэй хоһуйан суруйбута. Бу ырыаны Розалия Васильевна, туох да бэлэмэ суох тута толорбута. Онон ырыа куплеттара сааһыламмакка, ол кэмҥэ хайдах ылламмытынан устуллубуута. Онтон Эллэй хоһооно маннык этэ: Хараҥа түүн киниэхэ Дьиэтигэр киирэннэр: «Большевик, тур, эйиэхэ Кэллибит!» — диэтилэр. Үс ыстыык уһуктара Боруҥуй муннуктан Киниэхэ сыылбыттара, Хаанынан кытаран.. Күнүскү күүс үлэттэн Сынньана сыппыта, Минньигэс уу кыната Кинини саппыта... Биэс саастаах уол оҕото Аттыгар баар этэ... Балаҕан симик уота Умуллан эрэрэ. — Бу тугуй? — Буурҕа ини...— — Ким киирдэ?— Түүл ини...— Хараҕын аста кини, Көрдө үс киһини... Уот ыстыык уһуктара Боруҥуй муннуктан Киниэхэ сыылбыттара Кыа хаанныы кытаран... Өйдөөтө өлөр чааһын, Хараҕа ууланна... Санаата эдэр сааһын, Сүрэҕэ кыланна... «Туох хара санааланан Киирбиккитин этиҥ? Биир кыһын ревкомнаан, Батталы эһиспитим!» Кутаа уокка буораҕы Бырахпыт кэриэтэ, Бинтиэпкэ саа сомуоҕун Ити тыл таһыйда Үс ыстыык күлүгүттэн: «Таҥна тарт!» — диэтилэр. Арахсар ыар мүнүүтэ Ааҥнаан тиийэн кэллэ... «Быраһаай! Оҕом сыыһа!» — Оҕотун уураата. «Дьэ, илдьиҥ!» — диэн куолаһа Дьиэ иһин аймаата. Ойуурга барбыттара, Кэһэннэр тибиини... Өр кыҥыы турбуттара, Ол кыһыл киһини... Тулаайах уол ытыыра Балаҕан иһигэр... Хара баттах хамсыыра...