АРЫГЫ, ТАБАХ, УОЙУУ ТӨРҮӨТТЭРЭ. ХАЙДАХ КИНИЛЭРТЭН БОСХОЛОНУОХХА СӨБҮЙ?

Мин аатым Боотур сиэнэ Кюн Тыгыйык (Кюн Боотуровна). Мин уйулҕаһыппын. Өссө билиилэр сайтпар: 10-тан тахса сыл арыгыга ылларан буор иһээччи буола сылдьыбытым. Пиибэтэ суох үлэлээбэт, сынньаммат этим. Нэдиэлэ 7 күнүттэн 5 күнүн иһэр этим. Буокканы, ханньааҕы да кэмиттэн кэмигэр сып гыннара сылдьар этим. Эт мэйии өйбүнэн өйдүүрүм - бу арыгылаан мин кимиэхэ да үчүгэйи оҥорбоппун. Ол эрэн сатаан бу ытарчытыттан хайдах тахсары билбэт этим. Иһэрбиттэн, таҥаспыттан саппыттан, тас дьүһүммүттэн кыбыстарым. Төһөнөн кыбыстарым да соччонон арыгы иһэрим, пиибэнэн уосктунарым. Сабыылаах ытарчаны хайдах төлө тахсары билбэт этим. 90 киилэҕэ дылы уойбутум. Доруобуйам айгыраабыта, аала сылдьар ыарыым элбээбитэ. Ону таһынан, 23 сыл устата табаҕы уоба сылдьыбытым. Табаҕы 10-тан тахса сыл устата араас ньыманан бэйэбиттэн тохтото сатаабытым. Хайата да кыаллыбатаҕа. Ол эрэн бу миэхэ хаһан эрэ саҕаламмыт буоллаҕына төрдүн-төрүөтүн буллахпына бу тохтуон сөп эбит диэн бигэ өйдөбүл кэлбитэ. Мин бэйэбин, бэйэм уйулҕабын үөрэтэн барбытым. Киһи кутун, чараас эйгэтин оҥоһуутун үөрэппитим. Бу билиилэрим миигин бытааннык өлөрө сылдьар бары тутулуктарбыттан барытыттан босхолоото. Ол билиибин билигин бар дьоммор үллэстэбин. Бу билиини туһанан 600-тан тахса сахам дьоно олохторун тупсардылар. Бу үлэлиир ньымалар. Салҕыы бэйэҕин кытта дьарыктанарга, бэйэҕин иһиллэнэргэ, киһини өлөрөр дьаллыктартан, тутулуктартан хайдах тахсаргар мин "ЭРЭЛ" уйулҕа дьарык-үөрэхпэр үөрэтэбин, көрдөрөн, быһааран...