3 антифон(Блаженны...)

3 антифон Во Царствии Твоем помяни нас, Господи, егда приидеши во Царствии Твоем. Блаженны нищии духом, яко тех есть Царство Небесное. Блаженны плачущии, яко те утешатся. Блаженны кроции, яко те наследуют землю. Блаженны алчущии и жаждущии правды, яко те насытятся. Блаженны милостивии, яко те помилованы будут. Блаженны чистии сердцем, яко те Бога узрят. Блаженны миротворцы, яко те сынови Божии нарекутся. Блаженны изгнани правды ради, яко тех есть Царство Небесное. Блаженны есте егда поносят вам, и ижденут, и рекут всяк зол глагол на вы лжуще Мене ради. Радуйтеся и веселитеся, яко мзда ваша многа на Небесех.