Tomir tortishi qanday kasalliklardan darak beradi?

Shifokor Hilola Jumayeva: Tomir tortishishi tasodifan sodir bo‘ladigan holatlardan va bu jarayon mushaklar zo‘riqishi bilan bog‘liq. Organizmda kalsiy, kaliy, magniy va vitaminlarning yetishmasligi sababli yuzaga keladi. Asab zo‘riqishi, kamharakatlilik, muntazam o‘tirib ishlash, uzoq muddat tik oyoqda turish, suvda suzish va organizmning suvsizlanishi sababli ham kuzatiladi. Surunkali diareyadan aziyat chekuvchi insonlar ichaklarida normal mikroflora faoliyati buzilishi sababli vitamin va minerallarning so‘rilishi buziladi. Natijada tomir tortishi kuzatiladi. Tomir tortishishi asosan 40-50 yoshli insonlarda kuzatilib, qon-tomirlarda xolesterin yig‘ilishi sababli yuzaga keladi. Yoshlarda esa yaxshi qon aylanmasligi sababli kelib chiqadi va bunda jismoniy harakatlarni ko‘paytirish tavsiya etiladi. Profilaktika uchun jismoniy mashqlar bilan shug‘ullanish, xolesterin va tuz miqdorini cheklash zarur.