«Қишлоқаки ман» - и устод Бозор Собир, оҳанги Қурбонали Абдуллоев

Дар зери сафедор бувад хоки падар, Дар зери дарахти тут хоки модар; Саддаста гирифтаанд азизони маро Бо решаи хештан дарахтон дар бар. Қишлоқаки ман бӯйи чапотӣ дорад, Ширинии ширинии тути дорад; Аз чӯби дарахти бед дар ҳар хона Гаҳвораи сабзи малакутӣ дорад. Он кӯҳ, ки менамояд - андӯҳи ман аст, Он абри ҳаво - хаёли анбӯҳи ман аст (Борони сиришк мебарад бар Ватанам), Он бод, ки мевазад бар он - оҳи ман аст. Оҳ Ватанам, ҷон Ватанам, ҷон Ватанам! Оҳ Ватанам, ҷон Ватанам, ҷон Ватанам! Дар кӯчаи хокие равонам ҳама шаб, Дар тути қатори Сӯфиёнам ҳама шаб; Дар ҳавлии кӯдакиам аз донаи ашк Ман донаи тут метаконам ҳама шаб. Оҳ Ватанам, ҷон Ватанам, ҷон Ватанам! Оҳ Ватанам, ҷон Ватанам, ҷон Ватанам! Ноништаи ман тарошаки деги ту буд, Гармобаи хушки ман таги реги ту буд, Қишлоқаки ман, хатат нависам ҳама умр, Устоди хатам муаллими Беки ту буд. Оҳ Ватанам, ҷон Ватанам, ҷон Ватанам! Оҳ Ватанам, ҷон Ватанам, ҷон Ватанам! Ку рӯзи дубора дидани маъвоям, Бикшудани қулфи хонаи танҳоям? Рӯзе, ки ба дастмолакам тоза кунам Чун айнаки чашм шишаи дарҳоям. Оҳ Ватанам, ҷон Ватанам, ҷон Ватанам! Оҳ Ватанам, ҷон Ватанам, ҷон Ватанам! Бозор Собир Bozor Sobir, Бозор Собир, بازار صابر, Бозор Собір, Аз хуни Сиевушем, Сиявуш, Девори Бухоро, Оташи Зардушт, Дубора созамат Ватан, Ҷои ту холист, Ту ними мани, Дидори Ватан, ، ایران ، دوشنبه ، تاجیک ، تاجیکستان ، بازار صابر، زبان...