Преподобный Дометиан,епископ Мелитинский

Канон святому преподобному Дометиану, епископу Мелитинскому Припев: Преподо́бне о́тче Дометиа́не, моли́ Бо́га о на́с. Память: 23 (10) января, 23 (10) января Глас 1. __ Святителю Дометиану, епископу Мелитинскому Тропа́рь, гла́с 4. Бо́же оте́ц на́ших, творя́й при́сно с на́ми по Твое́й кро́тости, не отста́ви ми́лость Твою́ от на́с, но моли́твами и́х в ми́ре упра́ви живо́т на́ш. Кондак, глас 2. Боже́ственный гром, труба́ духо́вная, ве́ры насади́телю и отсека́телю ересе́й, Тро́ицы уго́дниче, вели́кий святи́телю Дометиа́не, со А́нгелы предстоя́ при́сно, моли́ непреста́нно о всех нас. Величание Велича́ем тя,/ святи́телю о́тче Дометиа́не,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего. Молитва О свяще́нная главо́, преподо́бне о́тче, преблаже́нне а́вво Дометиане, не забу́ди убо́гих твои́х до конца́, но помина́й нас всегда́ во святы́х и благоприя́тных моли́твах к Бо́гу: помяни́ ста́до твое́, е́же сам упа́сл еси́, и не забу́ди посеща́ти чад твои́х моли́ за ны, о́тче свяще́нный, за де́ти твоя́ духо́вныя, я́ко име́яй дерзнове́ние к Небе́сному Царю́: не премолчи́ за ны ко Го́споду, и не пре́зри нас, ве́рою и любо́вию чту́щих тя: помина́й нас недосто́йных у Престо́ла Вседержи́телева, и не преста́й моля́ся о нас ко Христу́ Бо́гу, и́бо дана́ тебе́ бысть благода́ть за ны моли́тися. Не мним бо тя су́ща ме́ртва: а́ще бо те́лом и преста́вился еси́ от нас, но и по сме́рти жив сый пребыва́еши, не отступа́й от нас ду́хом, сохраня́я нас от стрел вра́жиих и...