Открытие кабинета - центра родного (якутского) языка "Кун сыдьаайа"

“Күн сыдьаайа” киин-кэбиниэт арыллыыта Бүгүн Афанасий Осипов аатынан Бэрдьигэстээх орто оскуолатыгар ураты, кэрэ түгэн – аныгылыы тыыннаммыт саха тылын киин - кэбиниэтин үөрүүлээх арыллыыта буолла. Төрөөбүт төрүт тылбыт баар буолан, биһиги ааспыт олохпутун өйдүүбүт, билиҥҥини сайыннарабыт, кэлэр кэскилбитин түстүүбүт. Саха тылын уонна литэрэтиирэтин кэбиниэтэ – бу биһиги төрөөбүт тылбытын, култуурабытын, историябытын үөрэтэр, харыстыыр сирбит буолуоҕа. Манна сахалыы мындыр толкуйу сайыннаран, сахалыы кэпсэтэн-ипсэтэн, сахалыы тыыны иҥэринэн, сайдыахпыт-үүнүөхпүт. Бу - төрөөбүт тылы үйэтитиигэ, кини сайдыытыгар саҥа күүһү, эбии кыаҕы биэрэр миэстэ буолуоҕа диэн туран “Күн сыдьаайа” киин-кэбиниэт арыллыытыгар лиэнтэни быстылар: кэбиниэт сэбиэдиссэйэ Парасковья Ивановна, Билим Академиятын иһинэн Төрүт тылы үөрэтии, харыстааһын уонна сайыннарыы киинин салайааччыта Феодосия Васильевна, улуус баһылыга Никита Викторович, култуура миниистирэ Афанасий Иванович. Үөрүүлээх тэрээhин бочуоттаах ыалдьыттара Саха сирин Култуура уонна духуобунай сайдыы миниистирэ Афанасий Ноев, Билим Академиятын иһинэн Төрүт тылы үөрэтии, харыстааһын уонна сайыннарыы киинин салайааччыта Феодосия Габышева, СӨ үөрэҕи сайыннарар уонна идэни үрдэтэр институт үөрэх чааһыгар сэбиэдиссэйэ Февронья Ядрихинская эҕэрдэ тылларын эттилэр, киин-кэбиниэт улууска эрэ буолбакка, өрөспүүблүкэ саха тылын учууталларыгар методическай көмө – киин буолуохтааҕын тоһоголоотулар. Афанасий Осипов...