Праведная Феодора, царица Греческая

Мои видео дублируются: Не теряйте меня.. Праведная Феодора, царица Греческая. День памяти 24 февраля Тропарь, глас 5: Во святы́х ди́вная,/ благове́рная цари́це Феодо́ро,/ нетле́нием моще́й и чуде́с сия́нием почти́ тя́ Бо́г;/ помина́юще твое́ пра́ведное житие́,/ тя́ мо́лим испроси́ти // телесе́м на́шим здра́вие и душа́м спасе́ние. Ин тропарь, глас 8: Правосла́вия красото́, благоче́стия тверды́не/ и защи́тнице Це́ркве Христо́вы,/ свяще́нных ико́н све́тлое устрое́ние,/ цари́це честна́я,/ к Бо́гу моли́твами твои́ми/ свободи́ от ересе́й славосло́вящих тя́, // свы́ше при́сно подаю́щи грехо́в разреше́ние. Кондак, глас 3: Благоче́стия цветы́ украси́вшися, свята́я,/ и увенча́нная диади́мою от руки́ Бо́жией, Феодо́ро,/ побо́рница це́ркви всея́ показа́лася еси́,/ воздви́гши поклоне́ние Христо́ве ико́не несумне́нно и святы́х, // с ни́миже сопричла́ся еси́ к небе́сному жре́бию. 1 В коне́ц, псало́м Дави́ду, внегда́ вни́ти к нему́ Нафа́ну проро́ку, 2 егда́ вни́де к Вирсави́и, жене́ Ури́еве. 3 Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. 4 Наипа́че омы́й мя от беззако́ния моего́, и от греха́ моего́ очи́сти мя. 5 Я́ко беззако́ние мое́ аз зна́ю и грех мой предо мно́ю есть вы́ну. 6 Тебе́ Еди́ному согреши́х, и лука́вое пред Тобо́ю сотвори́х, я́ко да оправди́шися во словесе́х Твои́х и победи́ши, внегда́ суди́ти Ти. 7 Се бо в беззако́ниих зача́т есмь, и во гресе́х роди́ мя ма́ти моя́. 8 Се бо и́стину возлюби́л еси́...