МОЛИТВА!!! Владыко Вседержителю, Непостижиме, начало света и преумная сило...

Владыко Вседержителю, Непостижиме, начало света и преумная сило, иже Ипостаснаго Слова Отец и Единосильнаго Твоего Духа испуститель: милосердныя ради милости и неизреченныя благости не презревый человеческаго естества, тмою греха содержимаго, но Божественными светы священных Твоих учений, законом и пророки светивый миру, последи же нам того Единороднаго Твоего Сына благоволивый плотию возсияти и ко осиянию нас Твоего просвещения наставите: да будут уши Твои внемлюще гласу моления нашего, и даруй нам, Боже, во бденном и трезвенном сердце, всю настоящего жития нощь прейти, ожидающым пришествия Сына Твоего и Бога нашего, Судии всех, да не возлежаще и спяще, но бодрствующе и воздвижени в делание заповедей Твоих обрящемся и в радость Его совнидем, идеже празднующих глас непрестанный, и неизреченная сладость зрящих Твоего лица доброту неизглаголанную. Яко Благ и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно, и во веки веков, аминь. дня 2023 годадняпатерикОтче Нашкалендарьмолитва#троица# правиломолитвыслушать иисусу христу молитвы молитва господу господня молитвенное правилоправославная молитвапасхи до утренняя оптинских старцев молитваднярікХристос