УЛААЛЗАЙ ХҮБДҮҮД ЮНДЭНЭЙ ДАМБИНИМЫН ҮРИ ҺАДАҺАД УУЛЗАЖА,УГ ГАРБАЛАА ХӨӨРЭЛДЭНЭ

Хойто-Ага нютагта Улаалзай хүбдүүд омогой Юндэнтэн гэжэ айлайхи Юм, Дондог, Дамбинима гурбан хүбүүтэй, Жаб, Дулма, Дулмажаб, Сэдбэл дүрбэн басагатай ажаһуужа байһан юм. Шарлаан Юндэн гээшэ зоримгой, ажалша бүхэриг, ямаршье юумэнһээ ехэ далтирхагүй, айхагүй, доро зүрхэтэй хүн байһан юм гээд хойто үеын үри һадаһадынь дурсадаг юм. Дарима һамганиинь омог дорюун, шэрүүхэн зантай, хүбүүд, басагадаа эрхэлүүлжэ байдаггүй, үнэн сэхээр, ажалша бэрхээр һургадаг байгаа. Хүбүүд, басагадынь эжынгээ һургаалһаа гарадаггүй, шанга хүмүүжэлтэй байһан юм ха. Юндунов Дамбинима Улаан-Үдэ шадар Дивизионно станөиин хажууда сэрэгэй алба хэжэ байтараа, зоргон соогоо морёор гүйлгэдэг нютаг нугань һанагдаа юм гү, али буряад хүбүүндэ сэрэгэй албан хүндэшэг байгаа юм гү, нэгэл бороотой, бүрхэг намарай үдэр сэрэгэй албанһаа тэрьелээд, нютаг тээшээ ябагаар зоришобо. Намарай бороодо сохюулжа, нэбтэ норошонхой хубсаһатай Дамбинима хада дээгүүр нилээд холохоно ошоод, орбонгоороо унаһан томо модоной узуурта нүхыень ехэ болгожо малтаад, досоонь гал түлибэ, ехэ согой суглархадань, тэрэнииень этэжэ гаргаад, хубсаһатаяа нүхэн соо ороод унташаба. “Үглөөгүүр һэрихэдээ, хубсаһамни хаташаһан, бэемни һэргэшэһэн байгаа һэн” гээд тэрэ хөөрэдэг һэн ха. Хада дээрэ гараад харахадань, һэеы гэртэй айлайхи байба. Эдэ лаб буряадууд байгаа ёһотой гээд, тэрэ айлда ошобо. Тэдэ буряадууд Дамбинимые эдеэлүүлээд, ундалуулаад, хубсаһыень һэлгүүлээд, билет абажа, поезддо һуулгажа нютаг руунь табиба. Могойтын станцида буугаад, хүндэ...