§3 ФИЗИКАЛЫҚ ҚҰБЫЛЫС. ХИМИЯЛЫҚ ҚҰБЫЛЫС. Химиялық реакция белгілері жүру жағдайлары 7-сынып Химия

Бір заттан басқа зат түзілсе ол химиялық құбылыс. Химиялық құбылыс кезінде реакцияға түскен заттардың құраушы бөлшектері ыдырап, жаңа бөлшектер түзіледі, соған сәйкес жаңа заттар пайда болады. Физикалық құбылыс кезінде заттардың молекулалары өзгеріске ұшырамайды. Мысалы, су буланғанда молекулааралық байланыс үзіліп, олардың арақашықтығы үлкейгенмен, молекулалар өзгеріске ұшырамайды.  Біз химиялық реакцияның жүргенін сыртқы белгілері арқылы білеміз. Олар: жылудың бөлінуі немесе сіңірілуі (кейде жарықтың), түсінің өзгеруі, газ түзілуі, иіс бөлінуі, тұнбаның пайда болуы. Химиялық реакциялар жүруі үшін мынадай шарттар орындалуы тиіс:- Заттарды тығыз жанастыру, Ұсақтау (еріту), Қыздыру (кейде жарық беру) Реакция жылдамдығын арттыратын заттар қосу. Экзотермиялық реакция - жылуды бөле жүретін реакциялар.(+Q) Эндотермиялық рекциялар - жылуды сіңіре жүретін реакциялар.(-Q) Ақбота Бойтан Инстаграм сілтеме: Ohimia.Kz Сайт; Www.ohimia.kz