Fakt va Fikr (76): Komxoniy davlat qanday davlat? (Zulmkor rejimlarning gibrid turi haqida)

Ортда қолган 16 кўрсатув давомида демократик ва Исломий давлат ўртасидаги ўхшашлик ва айирмаларга тўхталдик. Бу кўрсатувларда икки давлатнинг ҳам бош вазифаси инсон ҳуқуқларининг даҳлсизлигини таъминлаш эканлигини, икки давлатнинг ҳам асосий мақсади адолат ўрнатиш эканлигини, фақат демократик давлат бу мақсадга одамлар ўзлари чиқарган қонун-қоидалар ёрдамида эришишга интилишини, Исломий давлат эса адолатга Аллоҳ томонидан унинг Қуръонида келган қонун-қоидалар ёрдамида эришишга интилишини кўриб чиқдик. Мана шу 16 кўрсатувдан олдинги кўрсатувларда СССР деган коммунистик давлатнинг айрим жиҳатларини ҳам ўрганган эдик. Бундан ташқари, мустақил Ўзбекистоннинг аксарият қонунлари, айниқса, Жиноят-процессуал Кодекси ҳалигача собиқ Совет Иттифоқи қонунларидаги меъёрларни ташиётганлигини ҳам кўриб чиқдик. Демак, бугунги кунда “Факт ва Фикр” аудиториясининг аксарияти коммунистик, демократик ва Исломий давлат асосларини, улар ўртасидаги ўхшашлик ва айирмаларни билади. Энди шундай саволлар туғилади. Конституциясида “демократик давлат” деб ёзиб қўйилган Ўзбекистон Республикаси ҳақиқатдан ҳам, яъни амалда ҳам демократик давлат ҳисобланадими? Агар Ўзбекистон Республикаси демократик давлат ҳисобланса, нега унда демократиянинг тўрт асосий устунларидан на сўз эркинлиги, на сайлов эркинлиги, на сиёсий партиялар эркинлиги ва на сиёсий йиғилишлар эркинлиги амалда йўқ? Агар мустақил Ўзбекистон ростдан ҳам демократик давлат бўлса, нега бу давлатда ҳукумат инсон ҳуқуқларининг...