Вазорати корҳои дохилии Тоҷикистон кушторҳои пурсарусадо дар Конибодомро шарҳ дод

Муовини вазир гуфт, кушторҳои Конибодом “муқаррарӣ” аст ва он “ягон ҳангомаи зиёдатӣ” нест. Вазорати корҳои дохилии Тоҷикистон кушторҳои пурсарусадо дар Конибодомро шарҳ дод. Абдураҳмон Аламшозода муовини якуми вазири корҳои дохилӣ гуфт, кушторҳои Конибодои “муқаррарӣ” аст ва “ягон ҳангомаи зиёдатӣ” нест. “Шумораи 3-4 кушторе, ки содир шудааст, 3 ҳолаташ ошкор карда шуд. Ду ҳолати куштор вобаста ба муноқишаҳои оилавӣ аст, куштори оилаи Шариповҳо ва Умаровҳо. Инҳо дар доираи оила аст, парвандаҳои ҷиноятӣ дар марҳалаи ба суд ирсол кардан аст,” - чунин посӯх дод ӯ ба саволи хабарнигорон зимни нишасти матбуотии ВКД, ки имрӯз 8-уми август дар Душанбе баргузор гардид. Ҳамзамон Абдураҳмон Аламшозода гуфт, дар хусуси ду куштори дигар бо сабаби сири тафтишот ахборот дода намешавад. “Вобаста ба ду куштори охир, оилаи Аҳмедовҳо ва оилаи Ибрагимовҳо гурӯҳи фаврӣ-тафтишотӣ ҳам аз ҷониби мақомоти корҳои дохилӣ ва ҳам аз ҷониби прокуратураи генералӣ кор карда истодаанд. Ба хотири сири тафтишот мо ҳоло ҳамаи ахборотро намедиҳем. Ба хотири он ки парвандаи ҷиноятӣ бояд ҳаматарафа ҳаллу фасли худашро ёбад. Дар онҷо ягон ҳангомаи зиёдатӣ нест. Кушторҳои муқаррарӣ ҳаст,” – шарҳ дод ӯ. Абдусалом Тухтасунзода, раиси шаҳри Конибодом дар нишасти матбуотии рӯзи 31-уми июл гуфта буд, ки вобаста ба ин ҳодисаҳо як нафар боздошт шудааст, вале барои халал нарасонидан ба ҷараёни тафтишот аз додани ҷӯзъиёт худдорӣ намуда буд. Ёдовар мешавем, ки аввали моҳи июн дар расонаҳо хабарҳо дар хусуси...