ИВЕРСКАЯ ИКОНА ПРЕСВЯТОЙ БОГОРОДИЦЫ. ТРОПАРЬ. КОНДАК АКАФИСТА

С ПРАЗДНИКОМ ИВЕРСКОЙ ИКОНЫ ПРЕСВЯТОЙ ВЛАДЫЧИЦЫ НАШЕЙ БОГОРОДИЦЫ ВСЕХ ПРАВОСЛАВНЫХ И КРЕПОСТИ В ЕДИНСТВЕННОЙ ИСТИННОЙ ВЕРЕ НАШЕЙ!!! Тропарь Божией Матери пред иконой Ея "Иверской", глас 1 От святыя иконы Твоея,/ о Владычице Богородице,/ исцеления и цельбы подаются обильно/ с верою и любовию приходящим к ней./ Тако и мою немощь посети/ и душу мою помилуй, Благая,// и тело исцели благодатию Твоею, Пречистая. Акафист Пресвятой Богородице пред иконой Ея "Иверской", Кондак 1 Взбранной Воеводе, Владычице нашей Богородице, похвальная пения приносим Ти раби Твои, яко пришествием честнаго образа Твоего стяжавшии щит крепкий, стену необоримую и стража неусыпна. Ты же, яко имущая державу непобедимую, покрый и защити нас, Владычице, от всех врагов видимых и невидимых и избави от всякаго вреда, душевнаго и телеснаго, да зовем Ти: Радуйся, благая Вратарнице, двери райския верным отверзающая. Молитва Пресвятей Богородице в честь иконы Ея "Иверской" О Пресвятая Дево, Мати Господа, Царице Небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию поклоняющихся пречистому образу Твоему. Се бо, грехми погружаемии и скорбьми обуреваемии, взирающе на Твой образ, яко живей Ти сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о Мати всех скорбящих и обремененных! Помози нам немощным, утоли скорбь нашу, настави на путь правый нас, заблуждающих, уврачуй и спаси...