Чăваш Ен ӳнерҫисен Шупашкар 555 ҫул тултарнине тата Раҫҫейри кил-йыш ҫулталăкне халалланă куравĕ уҫă

Чăваш Ен ӳнерçисен союзĕ ҫулсерен ҫурла уйăхĕнче курав ирттерет. Кăçал Союз пайташĕсем Хальхи ӳнер центрĕнче «Савнă Шупашкар» ятлă курав йĕркелерĕç. Ăна Шупашкар 555 ҫул тултарнине тата Раҫҫейри ҫемье ҫулталăкне халалланă. Курава художниксем, скульпторсем, массăллă информаци хатĕрĕсенче вăй хуракансем, культурăпа тата ӳнерпе кăсăкланакан çынсем нумайăн пуçтарăнчĕç. Вĕсене иртнĕ çулталăкра ăстасем мĕнле-мĕнле çитĕнӳ тума пултарни, ятлă-сумлă, пурте пĕлекен скульптор-художник куракана мĕнле те пулин çĕнĕ ĕçпе тĕлĕнтерме пултарайни тата «çамрăк хунав» хутшăннипе-хутшăнайманни кăсăклантарчĕ. Кăҫалхи курав ӳнерĕн мĕн пур тĕсĕпе жанрне, тĕрлĕ материалтан ăсталанă хайлавсене кăтартнипе уйрăлса тăрать. Иртнĕ çулсенче живопись, графика тата скульптура тĕп вырăнта тăнă пулсан, кăçал вара тăмран унаса тунă кӳлепесем, театр декорацийĕ тата дизайн пысăк вырăн йышăнаççĕ, тум-тир моделĕсене кăтартакансем те пулчĕç. Чăваш ӳнерçисем тĕнчене чăвашла курса сăнарлани куракансене уйрăмах хавхалантарчĕ. Чăваш Ен художникĕсен союзĕн ертӳҫи Владимир Нагорнов, пĕтĕм чăваш пĕлекен Петр Пупин, Николай Енилин, Валентин Фёдоров, Праски Витти, Станислав Юхтар, Владислав Зотиков тата ытти нумай ăста хăйсен ĕçĕсемпе тĕлĕнтерчĕç-савăнтарчĕç. Вĕсем курав йĕркелекенсене те, халăх умне хăйсен скульптурисемпе ӳкерчĕкĕсене кăларнă ытти ăстасене те тав сăмахĕ каларĕç, курава йĕркеленин тата ĕçсен пысăк шайне палăртрĕç. Çамрăксемшĕн аслă ăру ăстисен пултарулăхĕ илĕртӳллĕ, аслисемшĕн ҫамрăксен чĕрĕлĕхĕпе шухăш...