Æвзонг кæсджыты дæсæм республикон конкурсы архайы 200 адæймагмæ

Ацы минутты Фæсивæды республикон галуаны цæуы кæсджыты конкурс «Ирон фæндыр».  200 лæппу æмæ чызджы, рæвдауæндоны хъомылгæнинæгтæй хистæр кълæсты ахуыргæнинæгты онг, дыууæ боны дæргъы аив кæсдзысты Къостайы æмдзæвгæтæ. Адих сæ кодтой кармæ гæсгæ. Сценæйæ зæлынц «Азар», «Лæгау», «Тæхуды», «Ракæс» æмæ поэты æндæр уацмыстæ. Мадзаларазджытæ — Цæгат Ирыстоны Фæсивæды хъуыддæгты фæдыл комитет æмæ Фæсивæды республикон галуан. Архайджыты курдиатæн аргъ кæнынц аивады æмæ культурæйы фæлтæрдджын кусджытæ. Конкурс ацы аз сарæзтой 10-æм хатт.