«Эйгэ»: Учууталлар үһүс сийиэстэрэ уонна уоланнар ааҕыылара (25.11.25)

🌞Үтүө күнүнэн, күндү Сахабыт сирин олохтоохторо, көрөөччүлэрбит! «Эйгэ» биэрии саҥа таһаарыытыгар: 1️⃣Саха тылын, литературатын уонна култууратын учууталларын 3-с өрөспүүбүлүкэтээҕи сийиэһигэр кытта кэлбит делегат учуутталлар ыалдьыттыахтара. Тус үөрэтэр-иитэр уопуттарын билиһиннэриэхтэрэ. Ол курдук, Элгээйи нэһилиэгэр оҕо ийэ тылынан сайдар эйгэтин кэҥэтэр сыаллаах бырайыак, оҕо сахалыы саҥарар дьоҕурун сайыннарыыга киэҥ эйгэни тэрийии, олоҥхо дойдута – төрөөбүт тыл сүмэтин оҕону иитиигэ, сайыннарыыга туһаныы, олоҥхо ийэ тылы иҥэрэр, үөрэтэр ньыма туһунан сырдатыахтара. 2️⃣Ону тэҥэ, өрөспүүбүлүкэтээҕи «Көтүөххэ үрдүккэ хотойдуу» уоланнар ааҕыыларын быйыл 20-с төгүлүн ыытыллар. Уол оҕо инники идэтин таларыгар ааҕыылар оруолларын туһунан сэһэргэһиэхпит. Уоланнарбыт доргуччу хоһоон ааҕан иһитиннэрдилэр.