Пахтачи туманидаги "Болажон" ("Орлёнок") оромгоҳи

Роликда Пахтачи тумани ҳозирги "Можор" маҳалласида жойлашган ёши улуғлар "Хон чорбоғ" дейдиган, собиқ иттифоқ даврида "Орлёнок" номи билан Навоий кон металлургия комбинати ишчи хизматчиларининг болалари дам олиш оромгоҳи бўлган ҳозирги "Болажон" оромгоҳи манзаралари акс этган. Бу сўлим жойнинг ўзига хос тарихи бор! Қадимда Бухоро амирлиги тасарруфида бўлган ҳозирги Пахтачи тумани ҳудудидаги мазкур жой хоннинг сафарларга чиққанда дам оладиган чорбоғи бўлган. Советлар томонидан Бухоро амирлиги тугатилгач хон ерлари давлат ихтиёрига ўтказилган. "Хон чорбоғ" советлар давридан бошлаб болалар оромгоҳи сифатида фаолият юритиб келмоқда. Бу ерда асосан Навоий кон металлургия комбинати ишчи хизматчиларининг фарзандлари дам олиб келаётганлиги сабабли деярли пахтачиликлар учун бу жой умуман нотаниш жой бўлиб келмоқда.