День Космонавтики.

Бүгүн муус устар 12 күнэ - Космонавтика күнэ бэлиэтэнэр. 1961 с. Юрий Гагарин "Восток" космическай хараабылынан халлаан куйаарыгар көтөн киһи олоҕор биир историческай түгэн буолбута. Бу күнтэн ыла Космонавтика күнүн кыралыын улаханныын бары билэбит. Сунтаар нэһилиэгин "Туллукчаан" оҕо сайдар киинэ кырачаан оҕо бары өттүнэн сайдыылаах буола улаатарыгар араас интэриэһинэй дьарыктары, тэрээһиннэри ыыталларын истэн билэбит. Оттон бэҕэһээ уһуйаан оҕолоругар сылын аайы ыытыллар "Космонавтика" нэдиэлэтин түмүктүүр олус ураты, сонун дьоро күнү ыыттылар. Айар-тутар дьоҕурдаах үлэһиттэр биир сүбэнэн кэрэ көстүүлээх оҕо болҕомтотун тардар, угуйар куйаар эйгэтин тэрийдилэр. Куйаар дьоро күнүгэр улахан бөлөх оҕолоро "Космо-подиум" авангарднай, дьэрэкээн таҥас-сап таҥнан муода хааман көрдөрдүлэр. "Космо-кафеҕа" куйаар минньигэс ураты аһын астына амсайдылар. Ону тэҥэ нэдиэлэ устата оҕо билиитин хаҥатар, сайыннарар сыаллаах космодром Байконур 70 сылыгар аналлаах киһи эрэ сөҕө көрөр оҥоһуктарын быыстапката тэрилиннэ. Оҕо куйаар эйгэтин туһунан чиҥ билиитин олохтуурга олус бэрт тэрээһин буолла. Бу буоллаҕа кырачаан киһи чэчирии сайдарын туһугар иитээччи айымньылаах үлэтэ, төрөппүт кыһамньыта, оҕо астыммыт мичээрэ.