Преподобномученик Вадим Персидский,архимандрит

Святому преподобномученику Вадиму Персидскому Тропа́рь му́ченика, гла́с 4. Му́ченик Тво́й, Го́споди, Вади́м, во страда́нии свое́м вене́ц прия́т нетле́нный от Тебе́, Бо́га на́шего, име́яй бо кре́пость Твою́, мучи́телей низложи́, сокруши́ и де́монов немощны́я де́рзости. Того́ моли́твами спаси́ ду́ши на́ша. Тропарь, глас 8. В тебе́, о́тче, изве́стно спасе́ся, е́же по о́бразу:/ прии́м бо Крест, после́довал еси́ Христу́,/ и де́я учи́л еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бне Вади́ме, дух твой. Кондак, глас 2. Звезда́ све́тлая яви́лся еси́ непреле́стная ми́рови, Со́лнца Христа́ возвеща́я заря́ми твои́ми, страстоте́рпче Вади́ме, и пре́лесть погаси́л еси́ всю, нам же подае́ши свет, моля́ся непреста́нно о всех нас. Конда́к, гла́с 2. Яко подви́жника благоче́стия иску́сна, и страда́льца произволе́нием честна́го, и пусты́ни жи́теля и все́льника, в пе́снех досто́йно восхва́лим Вади́ма присночестна́го: то́й бо зми́я попра́. Величание Ублажа́ем тя,/ преподобному́чениче Вади́ме,/ и чтим святу́ю па́мять твою́,/ наста́вниче мона́хов// и собесе́дниче А́нгелов. Молитва О, пресла́вный преподобному́чениче Вади́ме, ско́рый помо́щниче и те́плый засту́пниче всех, притека́ющих к тебе́, предста́тельством свои́м пред Го́сподом умоли́ Спа́са на́шего, да обрати́т ду́ши на́ша к покая́нию и исправле́нию, да да́рует мир оте́честву на́шему и всей земли́ и да помо́жет всем нам тве́рдым бы́ти в ве́ре...