Саха Өрөспүүбүлүкэтин Судаарыстыбаннаһын күнүнэн!

31 сыл анараа өттүгэр, 1990 сыл балаҕан ыйын 27 күнүгэр, Саха сирин судаарыстыбаннай суверенитетын туһунан декларация ылыныллыбыта. Бу историческай докумуон биһиги федеративнай судаарыстыбалыын биир ньыгыл сомоҕобутун, улуу Арассыыйа быстыспат сорҕото буолан сайдар оҥкулбутун түстээбитэ. Бу дьаһал олоххо киириитэ биһиги саха норуотугар улахан, дириҥ суолталаах. Маныаха, өйдөрүн санааларын уурбут, саха норуотун туһугар үлэлээбит-хамсаабыт киэн туттар дьоммут, Алексей Кулаковскай, Платон Ойуунускай, Максим Аммосов, Исидор Барахов, Степан Аржаков, Василий Никифоров-Күлүмнүүр ааттара умнуллубат. Саха сирин историятыгар көмүс буукубанан суруллар. Судаарыстыбаннас күнэ – Сахабыт сирин бары олохтоохторун сомоҕолуур бырааһынньык! Күүспүтүн түмэр, төрөөбүт дойдубут дьылҕатыгар кыттыгастаахпытын санатар өссө биир тоҕоостоох төрүөт. Элбэх омуктаах норуоппут үтүө үгэстэригэр тирэҕирэн, аныгы ньымалары туһанан бары биир сомоҕо буоларбытын умнуо суохтаахпыт. Бу бэлиэ күҥҥэ дьоллоох-соргулаах буолууну, үлэҕитигэр ситиһиини, хас биирдиибит талаана, кыаҕа, эрчимэ Сахабыт сирин сайдыытыгар тирэх буолуохтун! Федот Потапов аатынан Амматаа5ы норуот айымньытын дьиэтин коллектива. #амгаклуб #культураамги #амга #республикасахаякутия