КIэрэф Темболэт/"Хъуромэ"

"Хъуромэ" нэтын зэдгъэпэщам ипкъ иткIэ КIэрэф Темболэт "Хъуромэ" къебжэкIри къигъэпсэуэлъэжат. Хъуар куэду гъэщIэгъуэн, щIэщыгъуэ. Фи едаIуэ фIы ухъу. Теплъэгъуэр зыгъэпсар, зэзыгъэпэщар Мыз Лаурэ Теплъэгъуэр тезыхар Кумыщ Асчэррэ Даур Замиррэщ Хъуромэ къебжэкIым и псалъэхэр зэзыгъэпэщыжар, я зэкIэлъыкIуэкIэр зыгъэпсар КIэрэф Темболэтщ: Уэ хъурому хъуромэ Уэ хъуромэ токъуи Токъумакъыжьыр зи Iэщэ Зи Iэщэжьыр лIы укIи Уэ лIыукIырыблэ Чыблыр къагъэш Чы гъэшар зи уани Зи уанэжьыр лъэгубгъэ Къурей и губгъуэ дыдохьэ Зэрымыхьэр ди бийщ Уой ди бий ди джэгу Уэ девгъэджэгуажьэ Уэ девгъэжьэжыпэхэ Зэныбжьэгъу гупхэр ШкIи къэрэкъарэ ШкIий къэрэкунэ Iэминыр гуплъэу Iэминыр гупхыу Уэ хъуромэ бромэ Хъуромэр зи мэз Мэзыр зи шхуэмылакIэ И щыпэшэсым зэ къешэ Зи зэ къэшэгъуэр дыгъужь Хьэм дыгъужьыгур кIуэцIылъ ЗыкIуэцIырыплъым сакъыхэ Джатэм и Iэпщэр лъэхъстэн Убзэр Жамбор и джатэ Бэтмызэ джатитI зэблехъу И щхьэрэр бэрэмывэ И нэр вагъуэшхуэ лыд ЗэпылэдыкIыр и Iэщэщ Хъэрэмэхъищэр и щIопщ Уакъ уакъ жызыIэр бабыщщ Къыщ къыщ жызыIэр гэданэ Гэданэжьыр пшэрыфIэ Адакъэжьыр щэзакъуэщ Щэрэ къикыр мэзыпцIэ Жылэр зыгъапцIэр кIыгугу Уэгум щызекIуэр фэджэкхъэ Кхъэм къыдэплъыр дыгъужь Ужьыр зезыхуэр си бажэ Си бажэжь цIыкIур хьэкIыт ЯтIэм къыхэплъыр кхъуэ пIащэ Ущуэ зекIуэр къыдыр Хур зи куэдыр мыжьыкъ Шынакъым иракIэр хьэнтхъупс ПсыпцIэм хэсыр бдзэжье Ди хэкужьыр мэбагъуэ ди бийижьхэр мэгъужи