Ашуг Сакит "Азиз дурна"

Слова: Забита Ризванова (1926-1992) / Тагира Хуругского (1893-1958) Музыка: Народная   Кьиляй кьилиз камаллу хьун, Гьар са куьнлай хъсан я, дуст, Акьуллувал, илимлувал Къизилдилай масан я, дуст. Ваз кIан жемир масадан мал, Зегьметдалди дамах ая, Гьар инсандиз лайихлуди, Яд хьиз михьи виждан я, дуст. Ватан патал чанни эциг, Ватан я ваз хайи диде Кьейилани вун къужахда Кьадайди Ватан я, дуст. ЧIалахъ жемир пис гафарин, Гьакъикъатдиз ятIан ухшар, Гаф къекъуьриз, ара чIурудаз, Инсан чIулав шийтIан я, дуст. Забитаз лап гзаф кIанда Намус кIевиз хуьдай дустар, Уьмуьрда вун намуслу хьухь, Намуссусвал гьижран я, дуст.   1 Ваз лугьудай са гаф ава, Къваз са гъвечIи, азиз дурна, Захъ дердияр гзаф ава, Твах зи метлеб кьилиз, дурна.   2 Зун я хесте, вун я Лукьман: Зи дердиниз ая дарман. Зи ширин чан ида къурбан Вун физ авай рекьиз, дурна.   3 Зи яр гала Шеки патахъ, Вуна адаз саламар твах. Туна гъиле авай кIвалах, Фад хъша лагь хуьруьз, дурна.   4 Аманат хьуй зи гафар ваз. Къваз тавуна хтурай фад, Гужуналди зун масадаз Гузава лагь гъуьлуьз, дурна.