Қазақтың бір өнері -- кілем тоқу

Сыр өңіріндегі Айдарлы ауылында көнеден жаңаға, атадан балаға жалғасып келе жатқан кәсіпке жас буынды баулып жүрген шебер бар. Олар түрлі технологияның дамыған дәуірінде де тек қол еңбегімен тамаша дүниелер тудырып келеді. Кілем үй ішіне сұлулық та, жылулық та сыйлайды. «Жайсаң төсек, ілсең суреттей сыр ақтарып тұратын сиқыры бар», -- дейді көп жылдан бері қолөнердің осы түрін серік еткен Роза Әлбатырова. Тоқыма өрмектің әр қатарын көзінің майын тауыса отырып өрнектейтін еңбегі өте қиын. Қазақтың оюларын да кілем бетіне өзіндік мазмұнына сай түсіреді. Алайда бүгінгі күні бұл үрдіс келмеске кетіп бара жатыр деп қынжылады кейуана.