Бүгүн саха улуу уруҺуйдьута Тимофей Степанов төрөөбүт күнэ

Бүгүн саха улуу уруҺуйдьута Тимофей Степанов төрөөбүт күнэ. ҮөҺээ-Бүлүүгэ Сайыына Васильева онно анаан видеосюжет оҥорбутун көрүҥ. Тимофей Степанов уустар тустарынан уруһуйдарыгар олоҕуран 2026 сыл олунньу саҥатыгар “Ууска уһуйуллуу” сиэр-туом испэктээги Үөһээ Бүлүүтээҕи И.С.Семенов аатынан норуот тыйаатыра туруорар. Режиссер Сайыына Васильева. 1993 сыллаахха Саха бастакы Президенэ Михаил Ефимович Николаев "Сахаалмазпровинвест" ( САПИ) диэн үп-харчы корпорациятын тэрийбитэ. Уонна бу тэрилтэ саха туҺугар үлэлиэхтээх диэн сорудахтаабыта. Мин бу тэрилтэҕэ саҥа кэлбит үлэҺиттэри тэрийэн үөрэх ыыппытым. Онно саха итэҕэлин, төрүт өйүн- санаатын, сиэрин- туомун, билиитин илдьэ сылльар дьону ыҥыран кэпсэтии оҥорбутум. Олор истэригэр бааллара Гаврил Колесов- "Ньургун Боотур" олоҥхону грампластинкаҕа уҺулбут чулуу артист, "Аҕам алааҺа" ырыаны суруйбут Анастасия Варламова, саха итэҕэлигэр сыҺыаннаах элбэх уруҺуй автора Тимофей Степанов онтон да атыттар. Ол кэннэ салгыы Гаврил Колесов грампластинката оччотооҕу кэм инники технологиятынан компакт- дискаҕа көспүтэ. Анастасия Варламова айар үлэтин туҺунан хас да кинигэ тахсыбыта. Тимофей Степанов уустар тустарынан уруҺуйдара билигин ҮөҺээ- Бүлүү Кэнтигэр "Чап уустарын музейдарыгар" тураллар. Улуу киҺи айбыт мөссүөннэрэ билигин да, кэнэҕэски да кэлэр кэмнэргэ өйгө- санааҕа, турукка дьайа, арчылыы, араҥаччылыы туруохтара.