1-æм июнæй фæфылдæр уыдзысты æппæт льготон категориты пенситæ.

Уыцы иу рæстæг цалдæр закъоны сæ тыхы бацыдысты. 1-æм июнæй фæфылдæр уыдзысты æппæт льготон категориты пенситæ. Сывæллонджын бинонтæн сæ фиддонтæ ногæй банымайдзысты: кæд раздæр нысангод фиддоны æмгъуыд фæцис æмæ æфтиæгтæ фæкъаддæр сты, уæд æххуысы бæрц сырæздзæн. Ныр иуæй-иу организациты куысты фæдыл хъусынгæнинæгтæ фæсарæйнаг мессенджерты æрвитæн нал ис. Ногдзинад хауы 100-йæ 500 мины онг æмæ фылдæр пайдагæнджытæ кæм ис, уыцы маркетплейстæ æмæ социалон хызты хицæуттæм стæй бастдзинады оператортæм. Раздæр кредит исыны гæнæнæй йæхи барвæндонæй чи аиуварс кодта, уыдонæн сæ бартæ раздахын фæзындæр уыдзæн ацы мæйы райдианæй. Уæдæ иухаттон код "Госуслуги" нал æрвитдзæн, цалынмæ телефонæй дзурыс, уæдмæ. Мадзал у цæстфæлдахджыты ныхмæ. "Росфинмониторинг"-æн та ис цæрджыты банчы операцитæ дæс бонмæ бауромыны бар, æнæзакъон æфтиæгтæ æмæ экстремизмы æхцаввонгадæй сыл куы гуырысхо кæной, уæд. Картæйæ 50 сомы онг сисыны гæнæнтæ дæр-иу банк рæстæгмæ æруромдзæн, картæйы хицау бар радта æви нæ, уымæй куы фæгуырысхо уой, уæд.