Архиерейский хор Владимирской и Суздальской епархии. Муром.

Величание Иулиании Лазаревской Величаем тя, святая праведная Иулиание, и чтим святую память твою, ты бо молиши за ны Христа Бога нашего. Архиерейский хор Владимирской и Суздальской ТАТЬЯНА ОГАНЯН РЕГЕНТ. Молитва Утешение наше и похвале, Иулиание, голубице Богомудрая, яко финикс, преславно процветшая, криле добродетелей священне и посребренне имущая, имиже на высоту Царствия Небеснаго возлетела еси! Похвальная пения памяти твоей радостно днесь приносим, понеже Христос нетлением чудесным тя увенча и благодатию исцелений тебе прослави. Зане любовию Христовою уязвившися, от младости чистоту душевную и телесную хранила еси, пост же и воздержание возлюбила еси, имиже помогающей ти благодати, вся страсти мира сего попрала еси, и, яко пчела, мудро цвет добродетелей изыскавши, пресладкий мед Святаго Духа в сердце свое вселила еси и, еще во плоти бывши, посещения Богоматере сподобилася еси. Прилежно убо ти молим: молися, госпоже, да подаст нам в Троице славимый Бог твоими молитвами многолетне здравие же и спасение, тишину и изобилие плодов земных и на враги победы и одоления. Сохрани предстательством твоим, преподобная мати, страну Российскую и град сей и вся грады и страны христианский неврежденны от всех навет и козней вражиих. Помяни, госпоже, убогия рабы твоя, днесь в молитве тебе предстоящий, но чрез все житие свое паче всех человек прегрешившия, обаче теплое покаяние о сих приносящий и твоими к Богу молитвами оставление грехов получити просящия, яко да греховных страстей...