"Аарык" квартет "Россия живёт, Россия поёт" II патриотическай ырыа күрэҕэр (Тамбов к. 23.05.2025)

Майа сэлиэнньэтин Д.Ходулов аатынан норуот айымньытын дьиэтин иһинэн тэриллэн үлэлиир «Аарык» эр дьон вокальнай квартета, салайааччы - СӨ култууратын үтүөлээх үлэһитэ Георгий Георгиевич Сергучев, Д.Ходулов аат.НАДь ырыаҕа специалиһа, ыам ыйын 23 күнүгэр Тамбов куоракка ыытыллыбыт II бүтүн Арассыыйатааҕы «Россия живет, Россия поет» патриотическай ырыа күрэҕэр ГРАН-ПРИ буолары ситистилэр! Күрэххэ 66 кэлэктиип кыттыыны ылбыт: Белгородскай, Брянскай, Воронежскай, Калининградскай, Липецкай, Московскай, Новосибирскай, Ростовскай, Рязанскай, Саратовскай, Свердловскай, Тамбовскай, Тверской, Ярославскай уобаластартан, Луганскай Народнай Республикаттан, Беларусь Республикаттан уонна Саха Өрөспүүбүлүкэтиттэн «Аарык» квартет. Кыттааччылар толорууларын биллиилээх култуура уонна ускуустуба дьайыксыттарыттан турар үрдүк таһымнаах дьүүллүүр сүбэ сыаналаата. Бэрэссэдээтэл - биллиилээх поэт – песенник Александр Шаганов. Ырыаһыттар 2 ырыаны толордулар: «Эх, дороги...» уонна Ульяна Сергучева-Күннэй «Сааскы ырыата». Уолаттарбыт: Александр Кулешов - Мэҥэ Хаҥалас улууһун култуураҕа уонна духуобунай сайдыыга салалта солбуйар салайааччыта; Станислав Стручков - Мэҥэ Хаҥалас улууһун үпкэ салалтатын салайааччыта; Константин Скрябин - олох - дьаһах коммунальнай хаһаайыстыба үлэһитэ; Иннокентий Петухов - улуустааҕы киин балыыһа реабилитация салаатын бырааһа. Квартет 2023 сылтан Георгий Георгиевич Сергучев салалтатынан дьарыктанар. Кинилэр араас өрөспүүбүлүкэтээҕи ырыа күрэхтэрин кыайыылаахтара: 2024...