Кумыкские песни🎼💫🎼💫АНАМ -Ансамбль Йырлайгъан юреклер👏👏👏Къумукъ театр 🎭

Уллулардан эшитгенмен кёп хабар, Тек бу хабар эсимден таймай мени. Васияты булан пакьыр ананы, Гел,охувчум таныш этейим сени. Кёп ал вакьти,бир заманда,бир юртда, Яшай болгьан уьч уланны анасы. Анабыз деп,бир айтмайлы,беш айтып, Сююндюре болгьан уьч де баласы. Дюнья шулай,йыллар гете арадан, Яшлар оьсе,тек кьартая аналар. Уллу болса бийик ярдан кьартланы, Ташламагьа герек болгьан балалар. Адат шулай,бу кьартайгьан ананы, Уланлары борчлу ярдан ташлама. Табутудай онгарылгьан арбагьа, Олтурталар,тек гёзлери яшлана. Етишгенде бийик ярны башына, Ана тилей бир васият этмеге. Васияты,оьзюн ташлап,арбаны, Бек асырап,алып уьйге гетмеге. Уьч де улан адап токьтай яр башда, Сонг эс табып,сорав берип кьызаргьан. -Анам,сагьа онгарылгьан бу арба, Негер тарыкь кьайтып барма абзаргьа? Этегине гёзъяшларын сибирип, Белин сыйпай,ана бирден агь ура. Ойгьа толгьан башын оьрге гётерип, Алгьасамай аста арбадан тура. -Болгьан йимик сиз де мени яшларым, Мен анаман,тек сиз дюрсюз аталар. Кьарт болгьанда сизин ярдан ташлама, Яшларыгьыз кьыдыражакь арбалар. Гьазир арба,гьазир кьартны ташлама, Васиятым,жыйыгьыз шу арбаны. Оьзлер этген ишден оьзлер уялып, Уьч де улан алып гетген ананы. Бек аявлап олтуртгьан тёр тамында, Кьайнашдырып,кьардашланы ва ятны. Кьарт болгьанда ата-ананы ташлама, Муна шулар бузгьан дей шу адатны.