Маҥнайгы учууталбар

Маҥнайгы учууталбар. Амма Аччыгыйын тыллара (1926), Христофор Максимов мелодията. ***** Максимов Христофор Трофимович (1917, Амма улууһа, Сулҕаччы нэһилиэгэ - 1980) - саха норуотун артыыһа. Ырыалара: «Учууталга» (Амма Аччыгыйын тыл.), «Биригэдьиир Марыына» (И. Сосин тыл.), «Эйэ холууба» (Р. Атласов тыл.), «Өндөрүүскэ тиэтэйбэт» (Б. Тобуруокап тыл.) уо. д. а. ***** Бараммат-хороммот Банаардаах-сырдыктаах Баҕабын толорор Бастыҥныыр атаспар, Ааҕаммын, айхаллыыр Дьоллордоох тускуга Уhуйан үөрэппит Учуутал убайбар - Эдэрдиир бэйэккэм Эрчимнээх сүрэхтэн Эрэйи чэпчэтэр Эҕэрдэ ыытабын! Далайым уутугар Таҥнастан сытыахпын, Талаhа кэбиhэн Таhырдьа таhааркар, Алаарыйар сырдык Арааһы биллэрэн, Айаным суолугар Айхаллаан киллээркэр - Эдэрдиир бэйэккэм Эрчимнээх сүрэхтэн Эрэйи чэпчэтэр Эҕэрдэ ыытабын! ***** Биллэр толорооччулар: Христофор Максимов, Марина Попова, Анегина Ильина.