Бозии нард ибодат аст? Дар Ислом ё ...? #нарды #игра #персы #индия #иран #шахматы #история #ислам

Қадимтарин санадҳо дар бораи пайдоиши ин навъи бозӣ ба дасти Бузургмеҳри вазир дар замони Сосониён хабар медиҳанд. Як навиштаи паҳлавӣ бо номи «Чатрангномаг» («Шатранҷнома») ин бозиро Бузургмеҳр дар ҷавоб ба бозии шатранҷ ё шоҳмот, ки подшоҳи Ҳинд (Ҳиндустон) барои Анушервон мефиристад, сохтааст ва ба хотири поси Ардашери Бобакон - асосгузори империя ё сулолаи сосониён, онро «Ардашери далер» ном мегузорад. Бинобар маълумоти «Чатрангномаг» Бузургмеҳр дар сохтани тахтаи нард аз боварҳои зардуштӣ илҳом гирифтааст. Монанди ташбеҳ ё монанд кардани сафҳа ё майдони бозӣ ба кураи замин, чор бахши замини бозӣ ба чор фасли сол, сиёҳӣ ва сафедии муҳраҳо ё донаҳо ба шабу рӯз, теъдоди муҳраҳо ба теъдоди рӯзҳои як моҳ, гардиши тосҳо ё зарикҳо ба чархиши афлоку ситорагон ва гардиши муҳраҳо ба ҳаракати мардумон, 24 хона 24 соати шабонарӯзӣ, 12 хона аз ҳар тараф 6 хонагӣ 12 фасли сол, зарик ситораи бахту иқбол, ташбеҳ ё монанд карда шудааст. Ҳамчунин, чиндани муҳраҳо дар оғози бозӣ ба офариниши дунё ва бурхӯрду гузари муҳраҳо аз якдигарро ба бархӯрду гузари инсонҳо ба ҳам дар ин зиндагӣ ва дар охир берун рафтани онҳоро аз сафҳаи бозӣ ба марг ташбеҳ кардааст. Намодпардозӣ ҳатто дар шарҳи шумораи зарикҳо низ дида мешавад. Шарҳи амалҳои бозии тахтаи нард: • 30 дона: 30 шабонарӯзи як моҳ • 24 хона: 24 соати шабонарӯзӣ • 4 қисмати замин ё майдон: 4 фасли сол • 5 даст бозӣ: 5 вақти як шабонарӯз • 2 ранги сиёҳу сафед: шабу рӯз • 12 хона дар ҳар тарафи замини бозӣ: 12 моҳи сол • Зарик: ситораи...