Майаҕа "В.К.Степанов аатынан култуура уонна спорт эстэпиэтэтэ" бэстибээл. ЭР ДЬОН ОҺУОХАЙА. 15.02.20

Майабыт туонатыгар 2026 сылга ыытыллар үгэс буолбут «В.К.Степанов аатынан култуура уонна спорт эстэпиэтэтэ» бэстибээл ЭР ДЬОН ОҺУОХАЙЫНАН саҕаланна. Олунньу 15 күнүгэр улуустааҕы «Кыталык» уопсастыбаннай кииҥҥэ «Бары бииргэ түмсэммит – или-эйэни түстүөҕүҥ!» диэн девизтээх Майа сэлиэнньэтигэр 2026 сылга ыытыллар үгэс буолбут «В.К.Степанов аатынан култуура уонна спорт эстэпиэтэтэ» бэстибээл Арассыыйаҕа норуоттар сомоҕолоhууларын, Саха Өрөспүүбүлүкэтигэр култуура, Мэҥэ Хаҥалас yлyyhyгap олохтоох бэйэ оҥорон таhаарыытын, Майа сэлиэнньэтигэр Удьуор Утумун сылларыгар ананна. Барыта 5 бөлөҕүнэн 140 эр дьон оһуохайга кытыннылар. Күрэх балаһыанньатынан бөлөх аайыттан 2-лии киһи оһуохай таһаардылар. Оһуохай түһүлгэтэ Майа сэлиэнньэтин баһылыга Алексей Иннокентьевич Неустроев, Д.Ходулов аат.НАДЬ салайааччыта Екатерина Петровна Ефремова эҕэрдэ тылларыттан, Түсчүт Зиновий алгыһыттан, сомоҕолоһуу оһуохайтан саҕаланна. Дьүүллүүр сүбэҕэ үлэлии кэлбит ытыктыыр дьоммут иэйэн-куойан туран сомоҕолоһуу оһуохайын таһаардылар. «Эр дьон оһуохайын» дьүүллүүр сүбэтигэр үлэлээтилэр: Николаева Марта Тимофеевна - Саха сирин Дархан этээччитэ,; Григорьев Петр Семенович - Саха сирин Үтүөлээх этээччитэ; Пестряков Данил Михайлович - Саха сирин Үтүөлээх этээччитэ; Хорунов Валентин Васильевич - Дьэргэлгэн - Саха сирин Дархан этээччитэ; Дьүүллүүрьүүллүүр сүбэ бэрэссэдээтэлэ – Саха Өрөспүүбүлүкэтин Оһуохай түмсүүтүн баһылыга Александр Джурович Данилов. Ону тэҥэ ыалдьыттаата Саха сирин «Оһуохай түмсүү...