Толдзгуны цæрджытæ тыхсынц хъæуы афтек кæй нæй, ууыл

Æрæфы районы Толдзгуны афæдзы дæргъы кусы ног фелшырон-акушерон пункт. Сарæзтой йæ сæрмагонд федералон программæ гæсгæ. Толдзгуны цæрджытæ разы сты ног пунктæй. Ныр сын фæзынд фадат медицинон æххуыс бынаты райсын. Ног уавæртæй разы сты фелсыртæ дæр. Фæлæ, хъæуы цæрджытæ ныр тыхсынц æндæр хъуыддæгтыл. Дзансолты Ритæ 33 азы дæргъы кусы фелсырæй йæ райгуырæн хъæу Толдзгуны. Æппæт бынæттон цæрджыты æнæниздзинады уавæр дæр бæлвырдæй зоны. Уыдон та 500 къаддæр не сты. Хæрзæрæджы фелсыры куысты уавæртæ фæхуыздæр сты. Аз размæ хъæуы сарæзтой ног фелсырон-акушерон пункт. Дзансолты Ритæ, фелсыр: «Нæ фелсырон-акушерон пункт азæй къаддæр кусы. Мартъийы мæйы нæм уыди диспансеризаци. Алагирæй нæм флюоро кæныны кабинет æрбаластой. Æппæт специалисттæ дæр нæм уыди: гинеколог, хирург, кардиолог æмæ бирæ æндæртæ. Бирæ адæм скодтой диспансеризаци. Æхсызгон сын уыди, нæ пункты ахæм ивддзинæдтæ кæй ис, уый». Зæронд амбулаторийы уавæр хуыздæртæй нæ уыд. Дон дæр дзы уыди, рудзгуытæ хуынчъытæ. Ног бæстыхай у райдзаст. Дзуапп дæтты нырыккон домæнтæн. Фыццаг медицинон æххуыс бакæнынæн дзы ис æппæт хъæугæ кусæнгæрзтæ æмæ хостæ. Хъæуы цæрджыты бон у алыхуызон специалистты æххуыс райсын дæр. Дзансолты Ритæ, фелсыр: «Алы цыппæрæмы дæр нæм æрбацæуы педиатр, алы дыццæджы та - терапевт. Ныртæккæ нæ терапевт декретон отпускы у. Ис нæм æндæр специалист. Фæлæ ма æндæр ран дæр кусы. Махмæ æрбацæуыны фадат ын нæ вæййы. Нæ зæрдæ дарæм, хъуыддаг кæй раивдзæн æмæ нæм ногæй цæуын кæй райдайдзæн, ууыл». Бонмæ...