Гәылариа еиҭеиҳәеит иалкаау акатегориақәа ирыҵанакуа атәанчаҩцәа ртәанчахәы шышьҭыххо

Аԥсны атәылауаа ркатегориақәак рзы атәанчахәы шҭыххоит, асиа иарбоуп аа-нызқьҩык, абри атәы иҳәеит арадио Sputnik аҟны Аԥсны атәанчахәытә фонд аиҳабы Денис Гәылариа. "2 000 мааҭ рыла еиҳахоит — Аԥсны Афырхацәа, "Леон" иорден, "Агәымшәараз" амедал занашьоу ртәанчахәқәа. 1 000 мааҭ рыла еиҳахоит – аинвалидцәа, 1992-1993 шықәсқәа рзы аибашьраҿ иҭахаз, иԥсыз рҭаацәеи иара убас хатәгәаԥхарала иеибашьуази урҭ рҭаацәеи ртәанчахәқәа", — иҳәеит Гәылариа. Аԥаразоужьра Аԥсны атәанчахәытә фонд ахарџь ала имҩаԥгахоит иҳәеит иара. Арадио Sputnik амҩаԥгаҩ Лана Аԥшьлааԥҳаи Аԥсны атәанчахәытә фонд анапхгаҩы Денис Гәылариеи реиҿцәажәара инарҭбааны шәахәаԥшыр ҟалоит