АФЗАЛШО ШОДИЕВ-ЯК ШАБЕ МАҶНУН НАМОЗАШРО ШИКАСТ! @afzalshoshodievofficial550

Як шабе Маҷнун намозашро шикаст, Бе вузӯъ дар кӯчаи Лайло гузашт. Ишқ он шаб масти масташ карда буд, Фориғ аз ҷоми аласташ карда буд. Саҷдае зад бар лаби даргоҳи ӯ, Пур зи Лайло шуд дили пуроҳи ӯ. Гуфт: Ё Раб, аз чи хорам кардаӣ, Бар салиби ишқ дорам кардаӣ. Ҷоми Лайлиро ба дастам додаӣ, В-андар ин бози шикастам додаӣ. Ништари ишқаш ба ҷонам мезанӣ, Дардам аз Лайлост онам мезанӣ. Хастаам з-ин ишқ, дилхунам макун, Ман ки Маҷнунам Ту маҷнунам макун. Марди ин бозича дигар нестам, Ин Туву Лайлои Ту ман нестам. Гуфт: Эй девона Лайлоят манам, Дар раги пинҳону пайдоят манам. Солҳо бо ҷаври Лайло сохтӣ, Ман канорат будаму нашнохтӣ. Ишқи Лайло дар дилат андохтам, Сад қимори ишқ якҷо бохтам. Кардамат овораи саҳро нашуд, Гуфтам оқил мешавӣ, аммо нашуд. Сӯхтам дар ҳасрати як ё Рабат, Ғайри Лайло барнаёмад аз лабат. Рӯзу шаб ӯро садо карди, вале, Дидам имшаб бо мани гуфтам, бале. Мутмаин будам ба ман сар мезанӣ, Дар ҳарими хонаам дар мезанӣ. Ҳол ин Лайло, ки хорат карда буд, Дарси ишқаш беқарорат карда буд. Марди роҳам бош то шоҳат кунам, Сад чу Лайло кушта дар роҳат кунам! Муртазо Абдуллоҳӣ