Хвалите имя Господне.

Хвалите имя Господне, хвалите, раби Господа. Аллилуиа, аллилуиа, аллилуиа! Стоящии во храме Господни, во дворех дому Бога нашего. Аллилуиа, аллилуиа, аллилуиа! Благословен Господь от Сиона, живый во Иерусалиме. Аллилуиа, аллилуиа, аллилуиа! Исповедайтеся Господеви, яко Благ, аллилуиа! Яко в век милость Его, аллилуиа! Исповедайтеся Богу богов, аллилуиа! Яко в век милость Его, аллилуиа! Исповедайтеся Господеви господей, аллилуиа! Яко в век милость Его, аллилуиа! Раздельшему Чермное море в разделeния, аллилуиа! Яко в век милость Его, аллилуиа! И проведшему Израиля посреде eго, аллилуиа! Яко в век милость Его, аллилуиа! Яко во смирении нашем помяну ны Господь, аллилуиа! Яко в век милость Его, аллилуиа! И избавил ны eсть от врагов наших, аллилуиа! Яко в век милость Его, аллилуиа! Исповедайтеся Богу Небесному, аллилуиа! Яко в век милость Его, аллилуиа!