horatius: exegi monumentum

Carmina latina pronuntiantur in modo rhythmico cum distinctione longitudinis sillabarum. Ita carmina cantabilia fieri et infantibus placere debent. Haec primum meum exemplum est. Carmen Quinti Horatii Flacci EXEGI MONUMENTUM aere perennius regalique situ pyramidum altius, quod non imber edax, non aquilo impotens possit diruere aut innumerabilis annorum series et fuga temporum. non omnis moriar multaque pars mei vitabit Libitinam; usque ego postera crescam laude recens, dum Capitolium scandet cum tacita virgine pontifex: dicar, qua violens obstrepit Aufidus et qua pauper aquae Daunus agrestium regnavit populorum, ex humili potens princeps Aeolium carmen ad Italos deduxisse modos. sume superbiam quaesitam meritis et mihi Delphica lauro cinge volens, Melpomene, comam.