зубры

Цæгат Ирыстоны сараздзысты хъæддаг галтæн ног хъомылгæнæн бынат. 2022 азы республикæмæ æрбаласдзысты цалдæр хъæддаг галы. Уый тыххæй фехъусын кодтой цæрæгойты стæм хуызтæ бахъахъхъæныны фæдыл кусæн къордты радон æмбырды. Куыст баххæст кæндзысты национ проект «Экологи»-йы фæлгæты. Æмбырды сæйраг фарста уыд хъæддаг галтæ бахъахъæнын æмæ фæфылдæр кæнын. Уый фæдыл арæзт æрцыд проект «Дорожная карта», зæгъгæ. Иртæстыты руаджы специалисттæ сбæрæг кодтой, цæрæгойтæн хуыздæр æрдзон уавæртæ кæм ис, уыцы бынæттæ. Се &Цæгат Ирыстон дæр. Фæбæрæг кæндзыстæм, æмбырды агъоммæ республикæйы æрдзон æвæрæнты министрад эксперттæм бахаста курдиат Цæгат Ирыстоны хъæддаг галты хъомылгæнæн бынат саразын. Пъланмæ гæсгæ, цæрæгойты хæстæгдæр æртæ азы аласдзысты Волгограды област, Турмоны фæдзæхст ран æмæ национ парк «Смоленское поозерье»-мæ. Уæ зæрдыл уын æрлæууын кæндзыстæм, 2018 азы республикæмæ æрбаластой 10 зубры. Ныртæккæ хъæддаг галты хаст сты Уæрæсейы сырх чиныгмæ. Хауынц, бынтон фесæфынæй тас цы цæрæгойтæн у, уыдоны хыгъдмæ. Федералон проект «Сохранение биологического разнообразия и развитие экологического туризма»-йы фæлгæты Уæрæсейы сараздзысты 24 фæдзæхст раны. Сараздзысты ма экологон туризмы рæзтæн дæр хъæугæ инфраструктурæ. _ Мы рядом в: