Нашид : на кумыкском языке МУХ|АММАДДЫР СЫЙЛЫСЫ 2023 новый Нашид

Мугьаммаддыр сыйлысы Араб булан ажамны Аякъ басып юрюйген Дуньядагъы аламны Мугьаммаддыр халкълагъа Яхшылыкъны яягъан. Огъар ёлдаш болгъанлар Талайлыкъны табагъан. Мугьаммаддыр барыда Элчилени нур тажы, Сёзлери дурус чыгъа Къайтарма ёкъ мугьтажи Мугьаммаддыр ваъданы Бузмай сакълап турагъан, Арив болгъан къылыкъгъа Талайлыкъгъа бурагъан. Мугьаммаддыр сёндюрген Нюрю оьзге отланы, Ону нюрю даимдир Тайдырагъан тотланы. Мугьаммаддыр гьикматлы Адил булан турагъан, Ниъматланы маъданы Гьукмуланы къурагъан. Мугьаммаддыр яхшысы Махлукъну яратылгъан, Бары да элчилени Китапларда айтылгъан Мугьаммадны гьакъ дини Гьадиси бар калами, Гьакъ дин деп загьир эте Бугюн дунья аламы. Мугьаммадны эсгермек Ругьудур чархыбызны, Шукурлукъ этмек борчдур Чырагъы барыбызны. Мугьаммаддыр гёзели Алдыбызда токътгъан, Усьтюбюзге гелеген Къайгъыны къурутагъан. Мугьаммаддыр бийибиз Аривдюр умматына, Мугьаммаддыр боялгъан Аллагьны ниъматына. Мугьаммаддыр тазасы Яшыргъан айыпланы, Мугьаммаддыр сыйлагъан Сыйынгъан къонакъланы. Мугьаммаддыр тюзелип Гьикмат булан гелеген, Къыямат гюн болгъанда Шафагьатлар этеген. Мугьаммаддыр къутгъаргъан Зулмудан адамланы, Гечелер намаз къылып Шишдирген аякъланы. Мугьаммаддыр артдагъы Элчилени сыйлысы, Умматындан болмагъа Сукъланады хыйлысы.