🔴 Mistolovoda reyd: migrantlar o‘rmonga qochdi

Leningrad viloyatida politsiya reydi paytida qurilish ob’yektida ishlagan migrantlar o‘rmonga qarab qochishdi. Bir nafar tavakkalchi hatto ikkinchi qavatdan sakrashga ham ulgurgan. Vsevolojsk tumanidagi Mistolovo qishlog‘ida politsiya xodimlari iskovuch itlar bilan ikkita qurilish maydonchasida reyd uyushtirdi. Ularni ko‘rib, qo‘rqib ketgan bir necha chet ellik ishchilar o‘rmonda yashirinishga harakat qilishdi. Ammo ular uzoqqa bora olmay, barchasi qo‘lga olindi. Oxir-oqibat, politsiya yuzga yaqin muhojirning barchasini barmoq izlari bilan tekshirdi. Migratsiya qoidalarini buzgan yigirma kishi politsiya bo‘limiga qo‘llari kishanlangan holda olib ketildi. Ularning aksariyati vataniga jo‘natib yuboriladi. Patenti bor ba’zi migrantlar rus tili bilan bog‘liq muammolarga duch kelishdi - ular hatto oddiy iboralarni ham tushuna olmagan. Endi ularning rus tili imtihonidan qanday o‘tgani tekshirib ko‘riladi. #migrantuz