Тропарь и кондак преподобному Сергию Радонежскому

Тропарь и кондак преподобному Сергию Радонежскому. Тропарь Сергию, игумену Радонежскому, всея России чудотворцу, глас 4: Иже добродетелей подвижник, / яко истинный воин Христа Бога, / на страсти вельми подвизался еси в жизни временней, / в пениих, бдениих же и пощениих образ быв твоим учеником; / темже и вселися в тя Пресвятый Дух, / Егоже действием светло украшен еси. / Но яко имея дерзновение ко Святей Троице, / поминай стадо, еже собрал еси, мудре, / и не забуди, якоже обещался еси, / посе­щая чад твоих, / Сергие преподобне, отче наш. Кондак, глас 8-й Христовою любовию уязвився, Преподобне, / и Тому невозвратным желанием последовав, / всякое наслаждение плотское возненавидел еси, / и яко солнце Отечеству твоему возсиял еси, / тем и Христос даром чудес обогати тя. / Поминай нас чтущих пресветлую память твою, / да зовем ти: // радуйся, Сергие богомудре. Величание Ублажаем тя, / преподобне отче наш Сергие, / и чтим святую память твою, / наставниче монахов // и собеседниче ангелов.