Цæгат Ирыстоны райдыдта хъæлæсгæнджытæм Уæрæсейы президенты æвзæрстыты тыххæй информаци хæццæ кæныны

Джыгкайты Амиран ныр æвзæрстыты тыххæй хъæугæ регламентимæ зонгæ у. Къамисы уæнгтæ йын радзырдтой президенты кандидатты тыххæй æмæ хъæлæс кæныны фæткы тыххæй. Загътой йын, Хъобаны æвзарæн хай кæм байгом кæндзысты, уый. Æвзарæн къамисы уæнгтæ Уæрæсейы президенты æвзæрстыты тыххæй адрисон информаци хæццæ кæнынц республикæйы дæрддзæф æмæ хæххон хъæуты цæрджытæм. Сæ фæрстытæн сын бæстон дзуæппытæ дæттынц. Æмбарын сын кæнынц, хæдзары уӕвгӕйӕ кæнæ та æндæр хуызы схъæлæс кæнӕн куыд ис, уый. Уымæй уæлдай ма алы цæрæгæн дæр дæттынц æвзæрстыты тыххæй информацион æрмæджытæ. Кæд æвзарæг хæдзары нæ разынд, уæд ын буклет ныууадзынц хæдзары дуарыл. Специалисттæ куыд зæгъынц, афтæмæй ахсджиаг у, цæмæй фылдæр цæрджытæ сæ граждайнаг хæс сæххæст кæной. 7-æм мартъимæ æвзарæн къамисты уæнгты хъæудзӕн 250 мин адрисыл æрзилын. Уæрæсейы президенты æвзæрстытæ ацæудзысты 15-æм, 16-æм æмæ 17-æм мартъийы.