Благоверные князь Владимир и княгиня Агриппина,Ржевские

Каноны святым благоверным князю Владимиру и княгине Агриппине Ржевским чудотворцам Припев: Святи́и благове́рнии кня́же Влади́мире и княги́не Агриппи́но, моли́те Бо́га о на́с. Память: 28 июля (15 июля ст. ст.) Глас 8. __ Тропарь благоверным Владимиру и Агриппине Ржевским, глас 8. Я́ко благочести́ваго ко́рене пречестна́я о́трасль был еси́,/ до́бре во благоче́стии пожи́в, блаже́нне Влади́мире,/ та́ко и с супру́жницею твое́ю, прехва́льною Агриппи́ною,/ в ми́ре Бо́гу угоди́вше, и преподо́бных житию́ сподо́бистеся./ С ни́миже моли́теся Го́сподеви/ сохрани́ти без вреда́ оте́чество ва́ше,// да вас непреста́нно почита́ем. __ Кондак благоверным Владимиру и Агриппине Ржевским, глас 8. Ми́ра сего́ княже́ние и сла́ву вре́менну помышля́я,/ сего́ ра́ди благоче́стно в ми́ре пожи́л еси́, Влади́мире,/ ку́пно и с супру́жницею твое́ю, прему́дрою Агриппи́ною,/ ми́лостынею и моли́твами Бо́гу угоди́вше./ Те́мже, и по сме́рти неразлу́чно во гро́бе лежа́ще,/ исцеле́ние неви́димо подава́ете,/ и ны́не Христу́ моли́теся// сохрани́ти град же и лю́ди, и́же вас сла́вящих.