От разных недугов и болезней преподобному Сампсону странноприимцу

От разных недугов и болезней преподобному Сампсону странноприимцу тропарь, кондак и молитва. Тропарь, глас 8‑й В терпе́нии твое́м стяжа́л еси́ мзду твою́, о́тче преподо́бне,/ в моли́твах непреста́нно терпе́вый,/ ни́щия возлюби́вый и сия́ удовли́вый,/ но моли́ся Христу́ Бо́гу, Сампсо́не ми́лостиве блаже́нне,// спасти́ся душа́м на́шим. В терпении твоем обрел ты награду свою, отче преподобный, в молитвах постоянно пребывавший, нищих возлюбивший и им помогавший, молись Христу Богу, Сампсон милостивый блаженный о спасении душ наших. Кондак, глас 8‑й Я́ко врача́ всеизря́дна и моли́твенника благоприя́тна,/ к ра́це твое́й Боже́ственней притека́юще, Сампсо́не Богому́дре преподо́бне,/ соше́дшеся любо́вию, псалмы́ и пе́сньми ра́дующеся, Христа́ прославля́ем,// такову́ю тебе́ благода́ть подава́юща исцеле́ний. Молитва О, те́плый моли́твинниче, бла́гостный о́тче, преподо́бне Сампсо́не! Моли́ Бо́га о мне, гре́шнем, и низпосли́ от Всеблага́го Влады́ки по́мощь ми и избавле́ние, привре́менна бо есть жизнь моя́ и испо́лнена труда́, скорбе́й и боле́зней. Укрепи́ се́рдце мое́, да возмогу́ понести́ тяготу́ мою́, и не попусти́, да превозмо́гут искуше́ния мно́гая моя́ ма́лыя си́лы, но споспеше́ствуй мне заступле́нием твои́м и посреде́ обстоя́ний и бед упра́ви путь мой в Ца́рство Небе́сное, да сла́влю просла́вльшагося в тебе́ Го́спода во ве́ки. Ами́нь. #Сампсон