СВЯТОЙ ПРЕПОДОБНЫЙ КИРИЛЛ НОВОЕЗЕРСКИЙ.

#ПреподобныйКириллБелыйНовоезерскийНовгородский Тропарь: Бо́жиим Ду́хом подвиза́емь, слез твои́х ту́чами изсо́хшее напои́л еси́, и безпло́тное в пусты́ни житие́ показа́л еси́, и е́же из глубины́ се́рдца бо́дренными моли́твами и посто́м благодея́ния труды́ уплодоноси́л еси́, и вселе́нную всю просвети́л еси́ сия́нием чуде́с твои́х, о́тче наш Кири́лле. Моли́ Христа́ Бо́га, спасти́ся душа́м на́шим. Кондак: Взбра́нному и кре́пкому адама́нту, прогони́телю бесо́в, но́вому чудотво́рцу победи́тельная, страсте́й злых свободи́вшеся, благода́рственная воспису́ем ти, о́тче наш Кири́лле. Но я́ко име́я дерзнове́ние у Престо́ла Христо́ва, ве́рою чту́щих тя, град же и лю́ди, моли́твою твое́ю сохраня́й, ты бо еси́ ста́ду твоему́ похвала́ и утвержде́ние. Молитва: О вели́кий уго́дниче, пресла́вный чудотво́рче, Кири́лле блаже́нне! Душе́ю на Небеси́ Престо́лу Бо́жию предстоя́й и Тро́ичныя сла́вы наслажда́яйся, те́лом же на земли́ в Боже́ствественном хра́ме сем почива́яй и от него́ да́нною ти свы́ше благода́тию разли́чная источа́яй чудеса́: при́зри ми́лостивым о́ком на предстоя́щия честне́й твое́й ри́зе лю́ди и прося́щия си́льныя твоея́ по́мощи. Ты у́бо, я́ко стяжа́вый дерзнове́ние, испроси́ Це́ркви благостоя́ние, возду́ха благорастворе́ние, земли́ плодоно́сие. Изба́ви всех, ве́рою несумне́нною к Бо́гу приходя́щих и многоцеле́бныя мо́щи твоя́ благогове́йно почита́ющих, от вся́ких бед душе́вных и теле́сных, от всех томле́ний и прило́гов диа́вольских. Я́ко да твои́ми моли́твами наставля́еми...