Адам Скрябин мел., Анемподист Софронов тыл. "Үрүҥ туллук эрэ мөлбөстүүр". Ыллыыр Евдокия Прохорова.

2021 сыллаахха Евдокия Прохорова толоруутугар "Үрүҥ туллук эрэ мөлбөстүүр" ырыаҕа флейтаҕа доҕуһуоллуур - Мария Окорокова, кырыыпмаҕа доҕуһуоллуур Руслан Габышев, синтезаторга доҕуһуоллуур Алексей Ефимов. Флейтаҕа анаан Альфия Вахитова Тупсаран оҥоруута. Уһулуннулар - Евдокия Прохорова, Мария Окорокова, Варьяна Шеломова, Кирилл Васильев. Бу хоһоону Алампа 14 сыл бииргэ олорбут кэргэнэ, саха бастакы актрисата - Евдокия Константиновна Яковлева-Гоголеваҕа анаабыта. Аан бастаан норуот ырыаһыта Белоусов 1912 сыллаахха бирикээсчиттэр кулууптарыгар ыллаабыт. Ону Алампа тупсаран суруйбут. Бу хоһооҥҥо саха бастакы композитора Адам Скрябин матыып айан, ырыа буолан тахсыбыта. Адам бу ырыаны 1925 сыллаахха фонографка суруйтарбыт уонна 1927с. «Саха ырыаларын ноталара» ырыаларын хомуурунньугар бэчээттэммитэ. Нууччалыы сирэй тылбааһын Захар Тюнгюрядов оҥорон, нуучча композитордара нотаҕа түһэрэллэригэр көмөлөспүт. Бу туһунан @arhiv_nvk_sakha таһаарыытыттан ылылынна.