Цæгат Ирыстон Поэзийы дыккæгæм æппæтадæмон фестиваль "Ирон фæндыр"-мæ цæттæ кæны æмбал кæмæн нæй

Республикæ Поэзийы дыккæгæм æппæтадæмон фестиваль "Ирон фæндыр"-мæ цæттæ кæны æмбал кæмæн нæй, ахæм æртæ æмбырдгонды. Фестиваль ацæудзæн октябры райдиан. Фыццаг чиныг снывонд кодтой Фыдыбæстæйы Стыр хæсты Уæлахизы 80 азæн. Сæдæ æмдзæвгæйæ фылдæр, нæ хæстон поэтты фыст уацмыстæ тæлмац кæнынц уырыссаг æвзагмæ. Дыккаг рауагъды уыдзæн Цæгат Ирыстоны адæмон поэт Джыккайты Шамилы 200 уацмысы. Ахæм куыст никуыма ничи бакодта. Фыццаг уал архайынц дæлрæнхъон тæлмацыл, ома тæлмац кæнынц алы дзырд дæр. Уый фæстæ та бæстæйы хуыздæр специалисттæ архайдзысты дзырдтæй рифмæтæ саразыныл. Æртыккаг æмбырдгонды та уыдзæн нырыккон абхазаг поэтты æмдзæвгæты тæлмац ирон æвзагмæ. Уый хлар ахастдзинæдтæ парахат кæныныл архайды фæлгæты. Нæ сыхæгтæ ныридæгæн æрбарвыстой дæсгай авторты уацмыстæ, Ирыстонæй дæр Абхазмæ æрвыст æрцыд нæ авторты æмдзæвгæтæ — 30 поэты уацмыстæ. Поэзийы дыккæгæм æппæтадæмон фестиваль "Ирон фæндыр" арæзт æрцæудзæн ирон литературæйы бындурæвæрæг Хетæгкаты Къостайы гуырæнбоны кадæн.