Ўзбекистонда уйғурлар қандай ҳаёт кечирмоқда 2 кисм? / Как живут уйгуры в Узбекистане 2 часть?

Uyg‘urlar zamonaviy O‘zbekiston hududida qadimdan yashab kelganlar. O‘zbekiston uyg‘ur madaniyat markazi 1989 yili Toshkentda tashkil etilgan bo‘lib, bugungi kunda uning tarkibida Andijon viloyati va Toshkent shahridagi bo‘linmalar faoliyat yuritmoqda. Uyg‘ur xalqining milliy merosi, tili, madaniyati, urfodatlari, jumladan qo‘shiq va raqs san’ati, xalq ijodiyotini o‘rganish va targ‘ib qilish maqsadida markaz qoshida oqsoqollar, xotinqizlar, olimlar, yoshlar kengashlari tuzilgan. Uyg‘ur milliy madaniyati va o‘zbek uyg‘ur do‘stligiga bag‘ishlangan an’anaviy kechalar, shuningdek, Navro‘z, Ro‘za, Qurbon hayiti kabi xalq bayramlari havaskor va professional uyg‘ur musiqachilari, qo‘shiqchilari va raqqosalari ishtirokida o‘tkaziladi. Konsert dasturlarida dunyoga mashhur qadimgi uyg‘ur maqomlari va zamonaviy qo‘shiqlar ijro etiladi. Bayram dasturxonlariga tortiladigan va O‘zbekistonda sevib tanovul qilinadigan betakror uyg‘ur taomlari barcha tadbirlarning ko‘rki va ziynati hisoblanadi. Ma’lumotlarga ko‘ra, Farg‘ona vodiysidagi Andijon viloyatida bugungi kunda 30 ming nafarga yaqin uyg‘urlar istiqomat qiladi. Uyg‘urlarning ko‘pchilik qismi Paxtaobod tumanining Uyg‘urobod, Shahrixon tumanining Do‘lan, Oltinko‘l tumanining Uyg‘ur, Asaka tumanining Axtachi mahallalarida hamda Andijon shahrida yashaydi. Hozirda uyg‘urlar eng ko‘p yashaydigan Paxtaobod tumanidagi Uyg‘urobod qishlog‘iga qilgan safarim davomida bu yerdagi uyg‘urlar faoliyati bilan yaqindan tanishi imkoniga ega bo‘ldim....