Ба хотири гиромидошти Абдусамад Шомирсаидов яке аз кучахои Ворух ба номи ин кас гузошта шуд

Гиромидошти хоҷагидори номвар Дар даромадгохи маҳаллаи Гулистони ҷамоати деҳоти Ворух ба муносибати номгузорӣ намудани кӯчаи марказии маҳалла ба номи Корманди шоистаи Ҷумҳурии Тоҷикистон, собиқадори меҳнат, шодравон Абдусамад Шомирсаидов маҳфили хотирмоне баргузор гардид. Маҳфилро бо сухани ифтитоҳӣ раиси Шӯрои собиқадорони шаҳр Содирхон Қосимӣ ҳусни оғоз бахшид. Раиси шаҳри Исфара Баҳоваддин Баҳодурзода зимни баромади худ таъкид дошт, ки Асосгузори сулҳу Ваҳдати миллӣ, Пешвои миллат, Президенти мамлакат мўҳтарам Эмомалӣ Раҳмон борҳо таъкид месозанд, ки «Зиндагиномаи ҳар як шахсиятҳои маъруфи Тоҷикистон як мактаби таҷрибаи ҳаёт мебошад. Омўзиши ҳаёту фаъолияти онҳо дар тарбияи эҳсоси наҷиби ватандўстӣ, садоқату хизмат ба Ватан ва худшиносии миллӣ зарур аст». Мақомоти иҷроияи ҳокимияти давлатии шаҳри Исфара низ дар баробари арҷгузорӣ ба шахсияти бузургмардони миллатамон ва омўзиши амиқу ҳамаҷонибаи осори онҳо вазифадор аст, ки ин мероси ҷовидониро ба хотири тарбияи наврасону ҷавонон дар рўҳияи башардўстиву инсонпарварӣ, ватанхоҳиву ватандорӣ, илму ҳунаромўзӣ ва аҳлоқи ҳамида истифода намояд. Шаҳрдори Исфара аз роҳи меҳнатии пурмаҳсули яке аз шахсони шинохта ва барўманди шаҳри Исфара Абдусамад Шомирсаидов ёдовар шуда, аз ҷумла зикр намуд, ки ӯ 5 даъват вакили Маҷлиси шаҳрӣ, 6 даъват вакили Маҷлиси вилоятӣ ва як даъват вакили Маҷлиси Олии Ҷумҳурии Тоҷикистон интихоб гардида, бо мукофотҳои олии Ватан - медали «Барои меҳнати шоён», ордени «Дӯстии халқҳо», медали...