Фыдыбæстæйы стыр хæсты ветеран Александр Варламовæн суворовантæ бæцæттæ кодтой концерт

Ветеран сабыргай æмæ æфсæрмыгæнгæ хæдзарæй рахызт. Йæ разы иу рæнхъыл æрлæууыдысты æвзонг кадеттæ. Буц хистæр æнæдзургæйæ йæ цæст лæппутыл ракæны æмæ сын сабыргай бузныг зæгъы сæ æрхъуыдыдзинады тыххæй. Александр Варламовыл ацы аз æххæст кæны 101 азы. Йæ царды æнусон истори баййæфта æппæты карздæр хæст. Германи Советон Цæдисмæ куы æрбабырста, уæд ыл цыд æрмæст 16 азы. Раст хъæбатырæн арфæ кæнынмæ цы суворовонтæ æрбацыд, уыдоны хуызæн. Александр Варламов фронтмæ ацыд 18-аздзыдæй. Хуымæтæг лæппу Читайы облæстæй, æгæр раджы базыдта, цы нысан кæны иунæгæй уæвын. Йæ фыды амæлæты фæстæ йыл йæ азтæй фылдæр бæрнон хæстæ æрæнцад. Службæ кодта маршал Малиновскийы дæлбар Хуссайраг фронты. Сапёрты æфсæдтæм æй арвыста Жуков йæхæдæг. Ветеран суворовонтæн радзырдта, хуымæтæг рæнхъонæй дзы дæлбулкъон куыд рауад, уый. Александр Варламовы зæрдæмæ фæцыдысты кадеттæ цы хæстон зарджытæ акодтой, уыдон. Концерты фæстæ сывæллæттæ дæттын райдыдтой фæрстытæ хæсты, сæ лæгдзинады æмæ фашисттимæ карздæр быцæуты тыххæй. Ветеран се ‘ппæтæн дæр дзуапп радта, фæлæ уыцы рæстæджытæ зæрдыл æрлæууын кæнын нырма зын у. Фæстагмæ алкæмæн дæр йæ цæст бауарзта фидар æнæниздзинад æмæ сæйрагдæр та сыгъдæг арвы бын цард. Цæгат Кавказы суворовон училищæйы 5-æм ротæ æрвылаз расиды «Сæ бæстæйы сæраппонд тох кодтой» акци. Германийы капитуляцийы хабар салдат Варламовмæ бахæццæ Венæйы. Уæд адæм цы æркъарæнтæ бавзæрстой, уый зын радзурæн у. Алчидæр цин кодта. Хæст æрмæст мæлæт нæу, зæгъы Александр Варламов. Уый у цырен...